1 aŭgusto 2026

Esplorstipendioj Marjorie Boulton al:
- Lauren Salig, University of Michigan.

Lauren “Ren” Salig estas postdoktora esploristo ĉe la Universitato de Miĉigano (https://umich.edu/), kiu doktoriĝis pri Neŭroscienco kaj Kogna Scienco de la Universitato de Marilando www.umgc.edu/). Ekde aŭgusto 2026, ŝi estos Docento pri Psikologio ĉe la Kolegio de Nov-Ĵerzejo. (https://tcnj.edu/) Laborante ĉe la intersekciĝo de psikolingvistiko kaj kogna neŭroscienco, Doktorino Salig studas kiel variado en lingvaj kuntekstoj kaj spertoj influas lingvoprilaboradon kaj kognadon. Ekzemple, ŝia disertaĵa laboro sugestas, ke dulingvuloj atentas pli multe post aŭdado de ŝanĝo inter siaj lingvoj. Kun la subteno de la Marjorie Boulton Fellowship, Doktoro Salig daŭre taksos kiel malsamaj lingvaj kuntekstoj influas la lernadon kaj atenton de dulingvuloj, laborante por pli bone informi politikojn, kiuj povas plej bone subteni studentojn en edukaj medioj.

La Boulton-Stipendioj subtenas esplorojn en ĉiuj kampoj de la homsciencoj kaj sociaj sciencoj, precipe en rilato al interlingvistiko, lingva justeco, interkultura komunikado, Esperanto kaj parencaj fenomenoj. La Stipendioj celas omaĝi la kontribuojn de la forpasinta D-ino Marjorie Boulton, fekunda aŭtoro de teatraĵoj, poemoj kaj prozo en Esperanto, kiu ankaŭ verkis la ĉefan anglalingvan biografion de L. L. Zamenhof. Antaŭaj stipendiuloj inkluzivas la postdoktoriĝajn esploristojn Edwin Michielsen (nun ĉe la Universitato de Honkongo) kaj Guilherme Fians (nuntempe Leverhulme Research Fellow ĉe la Universitato de St. Andrews),  Magdalena Madany-Saa, kiu lastatempe defendis sian disertacion ĉe Pensilvania Ŝtata Universitato, Usono kaj Cecilia Gialdini, postdoktoriĝa esploristo ĉe Ulstera Universitato.