Nord-Amerika Somera Kursaro (NASK)

Photo: Phil Dorcas

NASK 2005 (foto: Filipo Dorcas)

La Nord-Amerika Somera Kursaro (NASK) estas intensa merga kursaro en Esperanto. Antaŭ la jaro 2002, NASK dum 31 jaroj okazis en San-Franciska Ŝtata Universitato. En 2002-2006 la kursaron gastigis School for International Training (SIT) en Brattleboro, Vermonto, en 2007-2011 - la Universitato de Kalifornio en San-Diego; en 2012 ĝi okazis la Universitato de Teksaso en Dallas, en 2014 en la Universitato de Viktorio (Kanado), kaj en 2013, 2015, 2016, 2017  en William Peace University en Raleigh, Nord-Karolino. En 2018 la kursaro okazos, jam la kvinan fojon, en la belega kampuso de William Peace University en Raleigh. NASK estas unika eduka evento, kiu altiras lernantojn de ĉiuj lingvoniveloj kaj ankaŭ profesiajn Esperanto-instruistojn de la tuta mondo. La kurson organizas kaj administras S-ino Ellen Eddy. Por pli da informoj, spektu la videon.

La unuan fojon en multaj jaroj okazos kvar niveloj da instruado, inkluzive de la komencanta nivelo (instruata de Thomas Alexander, Usono).  Tri elstaraj eksterlandaj instruistoj instruos la aliajn tri nivelojn:  Katalin Kovats (Hungario/Netherlando) instruos mezan nivelonen, José Antonio Vergara (Ĉilio) instruos fakan kurson  pri Esperanto-Movado, historio kaj kulturo, kaj Anna Löwenstein (Britio/Italio) instruos fakan kurson pri Esperanto-literaturo. Renato Corsetti estos speciala invitito dum la kursaro kaj faros diverstemajn prezentaĵojn.

Studantoj alvenos la 3-an de julio kaj foriros la 12-an. Lecionoj okazos de la 4-a ĝis la 11-a de julio. Vespere de la unua tago de la lecionoj, studantoj povos spekti  la piroteknikaĵojn en la urbcentro.  (La Universitato William Peace estas je promendistanco, kaj la artfajraĵoj estas videblaj de la kampuso).

Dum la 8 tagoj de instruado, krom lecionoj, estos ankaŭ diversaj aliaj aktivaĵoj kaj programoj posttagmeze kaj vespere: prezentadoj, esplorado de la belaj muzeoj, butikoj kaj restoracioj de la urbo, ĉio en piedira distanco de la kampuso. La baza kosto por 8-taga NASK estas $770: loĝado, manĝado, kaj instruado ĝis la 1a de marto 2018 kaj $820 post la 1a de marto, 2018.  Aldonu $250 por privata ĉambro. Estas aliaj eblecoj por lokanoj kiuj ne loĝos ĉe la universitato.  Petu la registrilon ĉe: eddyellen@aol.com aŭ vizitu: nask.esperanto-usa.org/venonta.

Pagopcioj: malsupre sur tiu ĉi paĝo (bv. kontakti admin ĉe esperantic.org pri eventualaj problemoj rilate pagojn).

 ***

Ĝis la 1a de marto: $770




***

Post la 1a de marto: $820




***

Krompago por unupersona ĉambro: $250




***

Alia sumo




Comments are closed