NASK: Nord-Amerika Somera Kursaro de Esperanto

NASK (La Nord-Amerika Somera Kursaro de Esperanto) 2020, Aŭtuna Sesio

Ĉi-jare NASK kaj ESF prezentos duan virtualan sesion de la tradicia somera kursaro.

Okazos du kursoj:

“B2-babiliga kurso”, kun Tim Morley, el Britujo.

“Mia kurso celas lernantojn, kiuj jam atingis proksimume B2-nivelon, kaj kiuj ĉefe volas multe ekzerci sian lingvan kapablon. Ni faros iom da gramatiko kaj kelkajn vortostokajn ekzercojn, sed ĉefe temos pri aktivigo de jamaj scioj per aŭskultado kaj parolado, kaj iom da legado kaj skribado. Mi bezonos vian aktivan partoprenon por kune krei amikeman, subteneman etoson en la klaso. Ĝis tiam!” (Limigita al 20 partoprenantoj)

“La fenomeno Esperanto: kiun/kian mondon ni eniris?” kun José Antonio Vergara, el Ĉilio.

“Ĉiu el ni ial decidis lerni Esperanton. Kio pravigas niajn respektivajn paŝojn al tiu celo? Ĝi ja estas lingvo, sed ĉu nur tio?

Jen invito: ju pli vi progresas survoje al altnivela regado (C1/C2 por tiu ĉi kurso), des pli indus kunlerni pri la trajtoj kaj historia itinero de la pluraspekta iniciato kolektiva al kiu ni aliĝis.” (Limigita al 25 partoprenantoj)

La datoj estos:

28 septembro - 2 oktobro
5-9 oktobro

(La kursoj okazos dum du semajnoj, entute dek tagoj)

La horoj estos:

19:30-21:00, usona orienta horzono (t.e., la horzono de Novjorko)

La kosto estas US$ 75.00.  Stipendioj estas haveblaj, ĝis duono de la kosto.

Oni devas registri sin (Estas eble registri ĝis lundo, 21 septembro, 2020).  Jen la paŝoj:

  1. Pagu la kotizon de $75.00 per ĉeko aŭ per PayPal. Vidu la detalojn pri pagmanieroj sube.
  2. Plenigu la NASK-registrilon, kiun vi povas trovi ĉi tie.

Neniu dividos viajn informojn kun iu ajn krom la instruistoj kaj la NASK-teamo.)

Stipendioj haveblas ĝis 50% de la kosto.  Se vi bezonas tian helpon, skribu rekte al la Administranto, Ellen Eddy (eddyellen@aol.com).  Se vi petas financan subtenon, registru vin nun kaj pagu poste, kiam Ellen konfirmos la stipendion.

Oni povas pagi per tiuj ĉi manieroj:

  • Ĉeko en Usonaj dolaroj al "ESF-NASK."  Sendu al Chuck Mays, 16 Dixie Trail, Raleigh, NC 27607  USA. Bonvolu sendi retmesaĝon al chuck.mays@esperantic.org  se vi pagis per ĉeko.
  • PayPal per la PayPal ligilo sur tiu ĉi paĝo.

Bonvolu kontakti nin pri iuj problemoj rilate al pago per PayPal, al admin@esperantic.org

Pagu USD $75.00 por plena registriĝo. Pagu USD $37.50 se vi ricevis financan subtenon.


Comments are closed