Multo ŝanĝiĝis ĉi-jare. Sed neniel ŝanĝiĝis la dediĉiteco de ESF al lingva justeco; tio nur kreskis. Ni kunlaboris kun niaj partneroj por ke ili povu enretigi siajn eventojn, inkluzive la Mondan Festivalon de Esperanto. NASK okazis interrete, daŭrigante nian 50-jaran tradicion. Ni dediĉis nin plu al niaj longdaŭraj projektoj: Lernu, Edukado.net, Tekstaro, kaj multaj aliaj.
Okaze de la ĉi-jara Zamenhofa Tago ni volas, ke ĉiu, kiu profitis de nia laboro ĉi-jare donacu iom al ESF. Ni rekompencos vian donacon de 30 USD per aparte dezajnita glumarko de Zamenhof...portanta maskon. Vi ne povas trovi ĉi tion aliloke, ĉar ni desegnigis kaj presigis ĝin nur por niaj donacintoj.
Se vi preferas sendi la glumarkon al konato, vi povas sendigi ĝin en la suba salutkarto. Ni skribos vian nomon kiel la donacinton kaj sendos ĝin al iu ajn en la mondo (rimarku, ke la leterojn ni sendas de Usono). 
Eĉ pli bone, vi povos mem ricevi glumarkon kaj sendigi glumarkon al konato per donaco de 60 USD. Heligu ies tagon ĉi-jare kaj samtempe donacu ion malgrandan, sed rimarkindan al vi mem.