| Celo. Inter la multaj demandoj
levitaj de la plivastigita membreco de la Euxropa Unio estas
la demando pri lingvoj. Kiujn arangxojn oni faru pri la uzo
de lingvoj en la diversaj EU-instancoj mem, kaj kiujn politikojn
oni enkonduku ekzemple rilate la lernadon de lingvoj en la
edukaj sistemoj de la diversaj landoj? La relativa manko de
formalaj politikoj en tiu cxi tereno iom post iom kondukas
aktuale al neformalaj arangxoj, kiuj povus minaci la lingvojn
kaj la
kulturajn valorojn de iuj pli malgrandaj sxtatoj kaj povus
kompromiti la principon de egaleco inter EU-membroj. La proponata
simpozio
en Vilno celos esplori la diversajn politikajn alternativojn
kaj sercxos komunan interkonsenton pri kelkaj bazaj rekomendoj
pri la lingva politiko de EU en la novaj kondicxoj.
Auxspiciantoj. La
Universitato de Vilno, la Litova Akademio de Sciencoj, la
Komitato pri Euxropaj
Aferoj de la Litova Parlamento, kaj la Centro de Esploro kaj
Dokumentado pri Mondaj Lingvaj Problemoj.
Invititoj. La
Simpozio konsistos el invititaj personoj. Oni invitos al
partopreno reprezentantojn de cxiu el la novaj
membroj de la Euxropa Unio, kune kun fakuloj pri lingvopolitiko
kaj rilataj fakoj, diplomatoj, kaj reprezentantoj de la Euxropa
Unio. Fakuloj pri lingvopolitiko kaj rilataj fakoj, kiuj
gxis nun akceptis invitojn, estas, inter aliaj,
Detlev Blanke. Humboldt-Universitato. Germ.
Duncan Charters. Kolegio Principia. Usono
Renato Corsetti. Universitato de Romo. It.
Michael Cwik. Europa Unio (Bruselo).
Barbara Despiney. Universitato de Parizo I. Fr.
Paulin Djité. Universitato Western Sydney. Australio
Ina Druviete. Ministro pri edukado kaj scienco. Litovio
Charles Durand. Francio/Vjetnamio
Jane Edwards. Universitato Harvard. Usono
John Edwards. Universitato St. Francis Xavier. Kanado
Mark Fettes. Universitato Simon Fraser. Kanado
Federico Gobbo. Università degli Studi dell’Insubria.
It.
David Graddol. Open University. Britio
Margareta Handzlik. Membro de la Europa Parlamento. Pol.
Wim Jansen. Universitato de Amsterdamo. Ned.
Ilona Koutny. Universitato de Poznano. Pol.
Etsuo Miyoshi. Firmao Swany. Japanio
Robert Phillipson. Kopenhaga Komerca Universitato. Danlando
Timothy Reagan. Universitato Roger Williams. Us.
Humphrey Tonkin. Universitato de Hartford. Us.
Philippe Van Parijs. Katolika Universitato de Loveno kaj
Univ. Harvard. Belg./Us.
Anna Verschik. Pedagogia Universitato de Tallinn. Estonio
Programo. La
formala parto de la simpozio komencigxos sabaton, 30 julio,
je 14:00, kaj finigxos lundon, 1 auxgusto, je 17:00.
La programo konsistos el prelegoj de invititaj prelegantoj,
prezentoj de formalaj referajxoj de invititoj, kaj gxenerala
debato kaj diskutado. Oni arangxos bankedojn en la vesperoj
de sabato kaj dimancxo.
Kunvenejo. La Simpozio okazos en la Konstitucia Salono de
la Litovia Parlamentejo.
Lingvoj. Interpretado
estos disponebla almenaux en la litova, angla kaj Esperanto,
kaj eventuale en la franca (oni nun
faras dinajn arangxojn). Oni petas partoprenantojn liveri
skribitajn tekstojn anticipe, kie tauxge.
Tranoktoj. Logxigon
oni arangxos en hoteloj aux en gastodomoj de la auxspiciantoj.
Organizado. La
Centro de Esploro kaj Dokumentado (CED) respondecos pri
la organizado de la simpozio, kune kun la aliaj auxspiciantoj
kaj la surloka helpo de la Litovia Esperanto-Asocio. CED
insitgas esploradon, instruadon kaj publikigon pri internaciaj
lingvaj demandoj kaj eldonas la sciencan revuon Language
Problems and Language Planning (Lingvaj Problemoj kaj Lingvo-Planado).
Aktoj. Oni publikigos la aktojn de la simpozio.
Origino. La
Nitobe-Simpozio portas la nomon de Nitobe Inazo (1862-1933),
Vica Gxenerala Sekretario de la Ligo de Nacioj,
kiu strebis al lingva egaleco kaj lingva justeco en tiu organizajxo.
La unua Nitobe-Simpozio okazis en Prago en 1996. Posta simpozioj
okazis en Berlino (1999) kaj Pekino (2004).
|
