Listo de eventoj

List of events

Konferencoj kaj eventoj

ESF kunvenas, organizas kaj partoprenas en diversaj konferencoj, simpozioj kaj aliaj eventoj. Rigardu la kalendaron de eventoj, kiujn ESF organizas aŭ kiuj estas interesaj por ĉiuj, kiuj interesiĝas pri lingvistiko aŭ interlingvistiko. Uzu la serĉfunkcion por trovi diversajn eventojn (e.g., serĉu "Nitobe", "UN Series", ktp.).

Ne maltrafu la Novjorka prelegserio en 2016-2017, omaĝe al Tivadar Soros, esperantisto. Klaku ĉi tie por pli da informoj (angle).

Jen la eventoj, kiujn ESF organizas regule:

Simpozio ĉe la Unuiĝintaj Nacio ("UN Series"): La Studgrupo pri Lingvo de la Unuiĝintaj Nacioj ĉe UN-oficejo de UEA en Novjorko organizas la serion de simpozioj rilataj al lingvoj kaj la UN, kunlabore kun la Universitato de Hartford, la Centro de Esploro kaj Dokumentado pri Mondaj Lingvaj Problemoj kaj ESF (vidu la plenan liston de la simpozioj sube). La Studgrupo pri Lingvo de la Unuiĝintaj Nacioj estas grupo de universitatanoj kaj profesiuloj, kiuj interesiĝas pri: kiel lingvopolitikoj de la UN funkcias en la reala vivo, kiel homoj ĉe la UN uzas lingvon kaj faras elektojn inter lingvoj, kiel la UN komunikas lingvistike kun homoj ekster la organizaĵo.

Nitobe-Sympozioj: Nitobe-Centro por Lingva Demokratio estis kreita por starigi demandojn pri internacia komunikado kaj egaleca lingvopolitiko. Krome, la Centro kunordigas reton de aktivuloj agantaj en tiu ĉi kampo. La specifa fokuso de Nitobe-Centro estas altigi la nivelon kaj intensecon de publika kaj politika debato pri lingvopolitiko en la unuiĝanta Eŭropo, kun la celo krei komunan, pozitivan kaj realisman lingvopolitikan kadron, kiu ekvilibrigus la protekton kaj gloradon de lingva diverseco kun la bezono de efika, altkvalita komunikado inter ĉiuj civitanoj de Eŭropa Unio. La Centro estis inspirita de serio de konferencoj (Nitobe-Simpozio) organizitaj de la Centro de Esploro kaj Dokumentado pri la Monda Lingvo-Problemo. Tiuj konferencoj kunvenigas aktivulojn, klerulojn, registarajn oficistojn kaj politikistojn por ekzameni la lingvajn dimensiojn de eŭropa integriĝo kaj tutmondiĝo. Noto: NITOBE Inazo (1862-1933) estis japano, doktoro de agrikulturo, edukisto, verkisto, Asista Ĝenerala Sekretario de Ligo de Nacioj kaj fervora simpatianto de Esperanto. Li partoprenis la 13-an UK 1921 en Prago kiel oficiala delegito de la Ligo de Nacioj. Portreto de NITOBE Inazo sur 5000-ena bileto.

 

Comments are closed